اب تک آنے والی میری جتنی بھی تالیفات ہیں ان کے حوالہ جات حقیقت‘ سببِ تالیف یہ سب قارئین تک پہنچانے کی ایک کوشش ہے میں ہر کتاب کا حوالہ دوں گا کہ کتاب کن حوالہ جات سے مل کر ایک کتاب بنی ہے۔اگر میری کسی کتاب میں غلطی ہو‘ اطلاع دیں‘ شکرگزار ہوں گا۔
کتاب نمبر35:رنگ برنگی سبزیاں ‘ دوا بھی‘ غذا بھی‘ شفاء بھی: سبزیاں ایک دور میں جنگل کی جڑی بوٹیاں تھیں۔ انسان نے شعور حاصل کیا تو آہستہ آہستہ انہیں اپنی غذا میں شامل کرلیا۔ یہ غذائیں کتنی مفید ہیں اس کا حاصل یہ ہے کہ ’’گوشت چھوڑو سبزی کھاؤ‘‘ مہم شروع ہے کیونکہ سبزی وہ چیز ہے جس کےاثرات بد نہیں ہیں اور یہ جسمانی صحت و تندرستی کیلئے ایک لاجواب ٹانک ہے۔سبزیاں بے شک لاجواب غذا بھی ہیں‘ دوا بھی ہیں اور شفاء کا ذریعہ بھی۔ انہی فوائد کو دیکھتے ہوئے میں نے یہ کتاب تالیف کی تاکہ مخلوق خدا کو اپنے اردگرد بکھرے قدرت کے شاہکار کے فوائد کا علم ہوسکے۔ اس کتاب کی تالیف میں درج ذیل محترم شخصیات‘ کتب و رسالہ جات سے مدد لی گئی۔پاولا رحیمہ رابنس‘ انگلینڈ۔ حکیم حبیب الرحمٰن۔صباحت فرید۔حکیم محمد عثمان۔ طبیب بشیر احمد ظفر۔ ڈاکٹر سید زاہد علی واسطی۔ معظم علی شاہ۔ حکیم امجد وحید بھٹی۔ حکیم وحیدا ختر ثنائی۔ حکیم عبداللطیف جاوید۔ شرجیل بٹ۔ فرحت افزا۔ ڈاکٹر خالدغزنوی۔ حکیم راحت نسیم سوہدروی۔ طبیبہ گل یاسمین۔ایک اے باکھرو۔اقبال احمد قرشی۔ سید صبیح الزمان۔ حکیم عبدالماجد۔ حکیم شجاع احمد طاہر۔ مصطفیٰ کمال۔ رابعہ انصاری۔ حکیم ملک محمد عبداللہ۔ پروفیسر حکیم محمد اعجاز فاروقی۔ ماہنامہ خواتین میگزین۔ماہنامہ قومی صحت۔ اردو ڈائجسٹ۔ الخلیق۔ مرحبا صحت۔ اسرار حکمت۔ ہمدرد صحت۔ ضیاء الحکمت۔ راہنمائے صحت۔ خبرنامہ طب۔ روحانی ڈائجسٹ۔ خبرنامہ ہمدرد۔ ماہنامہ طبیب حاذق۔ ۔ نوٹ: اگر کوئی حوالہ غلطی سے رہ جائے تو ضرور اطلاع دیں‘ میں ہر پل اصلاح کا محتاج ہوں۔(ایڈیٹر)